නුඹ සහ මම

හැකිනම් දකින්න
මම කවුද කියා
විශ්වාසයි සියයක් සියයට
නොහැකිය හඳුනන්නට
ඔබට මා….
මන්ද
හඳුනන්නේ මා පමණි
මම කවුද?
මම කුමක් කරම්ද?
මම කවරෙකු වේවිද?
මගේ අනාගතය කෙබඳුද?
අපගමනය වන මගේ සිතුවිලි
කොතැනක නවතිවිද?
(පරා)වර්තනයට ලක්වේවිද?
සිතුවිලි දෛවය සමඟ
අවධි කෝණයක් තනත්ද? යන්න
මම,
විද්‍යාවේ නිමැවුමකි….
මම,
සොබාදහමේ නිමැවුමකි….
නුඹ,
නුඹද එසේමය….
නුඹේ සිතිවිලිද
ප්‍රකාශ විද්‍යාවට අනුගතය….
අත්නොහරින්න නුඹේ සිතිවිලි
හඹා යන්න ඒ පසුපස…
නමුදු
“සියලු ආලෝක කිරණයෝ සමාන නොවෙතියි“
පසක් කරමින්
නුඹ හා මම
සාපේක්ෂව වෙනස්ය….

ශලිනි වික්‍රමනායක
2014/2015 කණ්ඩායම