ඔබට ජය සරසවි මෑණියනි !

දැවැන්ත තුරු ලතා

සුළගෙන් සැලෙන විට

නොසැළෙන තණ පිඩක් මෙන්

නොසැලී දිවි ගෙවන්නට….

තුරුමත පිපුණු මලකත්

සුවඳ නොමැති කල

ලොවම සුවඳ කරවන

පියුමක් වන්නට….

නිලබල හා මුසුව

අනේකවිද බාධා කම්කටොලු අබියස

නොසැළෙන පිබිදෙන

චරිතයක් බවට පත්වන්නට….

ඉම් තෙරක් නැති අරඹක

ජීවිතය ගැන අරුත පහදා

අහම්බෙන් මුණ ගැසුණු ඔබ

සොඳුරුතම නවාතැන විය නිබඳ….

ඔබට ජය සරසවි මෑණියනි !

කුෂාන්ති විහන්ගනා.

2014/2015 කන්ඩායම.