ඔබ ඔබම වන්න

ඔබට උරුම වී ඇති මේ ජිවිතය තුල
වටහාගන්න පලමුව ඔබ කවුද යන වග
කියනතරම් පහසු නැතිබව තේරේවි ඔබට
තමන් ගැන තේරුම් ගැනිමත්
කුණාටු, සැඩ සුළං සහිත පරක් තෙරෙක් නොපෙනෙන
මහ සාගරය බඳු මේ ගමන තුල
කුඩා රුවල් නැවක නැවියකු වනු ඇත
ලොව සිටින අප සියල්ලෝම
සිතා බලන්න ඒ බොරුද යනවග
මොහොතක් නැවතී ඔබ යන ගමන
එකතු කරගන්න සැමවිට හොඳ දේ
ඔබට හමුවන හැමදෙනාගෙන්
සිතන්නෙපා වැඩිහිටියෙක්ද කුඩා දරුවෙක්ද
දොස්තර කෙනෙක්ද හෝ කම්කරුවෙක්ද යන වග
නමුත් කිසි විටක කොපි නොකරන්න කිසිඳු කෙනෙක්ව
ඔබ පත්වන්න ඔබම බවට
එවිට රැඳෙවි නිවැරදි මිනිසුන් ඔබ අසල
මිනිසුන් කියයි ඔබට අපමණ කතා
නැවැත්විය නොහැක ඔබට ඒ කියනා කතා
පල ඇති රුකටයි ගල් ගහන්නේ යයි සිතා
ඔබගේ ගමන යන්න ඒ කතා නොසිතා
වෙනස් වෙන්නෙපා අන් අයගේ බස් නිසා
සිතනවාද වෙනස්වුවහොත් ඒ කතා නවතිවි කියා
නොනවති මිනිසුන්ගේ කතා කිසිදා
අපගේ ගමන යායුතුයි ඒ ගැන නොසලකා
ප්‍රශ්න නැති ජිවිතය නිසල දිය වගෙයි
එය කිසිදා දක්ෂ නැවියෙකු බිහි නොකරයි
ගැටලු ඇතිවීම පොදු දෙයක් වෙයි
වෙනස්වන්නේ එකිනෙකා මුහුන දෙන අයුරුයි
පත්වන්න ඔබ ඔබම බවට
පත්නොවන්න තවත් කෙනෙකුගේ කොපියක් බවට
මුහුණ දෙන්න හැමදේට මනස විවෘත කොට
විසඳෙයි හැමදේ ඔබ සිතන විදියටම