දන්න සිංහලෙන් ජායාරූපකරණය – 1 කොටස
ජායාරූපකරණය යනු අද කාලයේ බොහෝ දෙනා දැඩි ඇල්මක් දක්වන ක්ෂේත්රයකි. එනිසාම වයස් භේදයකින් තොරව බිහිවන දක්ෂ ජායාරූප ශිල්පීන් අපට දැකිය හැක. දක්ෂ ජායාරූප ශිල්පියෙක් බිහිකිරීමට කැමරාව ලබා දෙන්නේ ඉතා කුඩා පිටිවහලක් වන අතර කළාත්මක ඇසක් සැමවිටම දක්ෂ නිර්මාණකරුවෙක් බිහි කරයි. කෙසේ වූවත් කැමරාවකින් ලබාදෙන පහසුකම් හොදින් ලබාගැනීමට නම් එය නිවැරදිව භාවිතා කරන ආකාරය අප දැනගත යුතුය. මෙම ලිපි මාලවෙන් තමන්ට ගැලපෙන කැමරාවක් මිලදී ගැනීමේ සිට එය නිවැරැදිව භාවිතා කරන ආකාරය පිලිබඳව අපි සොයා බලමු. අවබෝධ කරගැනීමේ පහසුව සඳහා අප සාමාන්යයෙන් එදිනෙදා ඉංග්රීසියෙන් භාවිතා කරන වචන ඒ ආකාරයෙන්ම යොදාගෙන ඇත.
තමන්ට සුදුසු කැමරාවක් තෝරා ගැනීම
අද වෙළෙඳපොළහි අපට මුලිකව කැමරා වර්ග 4ක් දැක ගත හැකිය, ඉන් පලමුවැන්න නම් Point and Shoot (Compact lens) මාදිලියේ කැමරා වර්ගයයි. මේවා නම් අප සරලව digital camera ලෙස හඳුන්වන මාදිලිවේ. පහසු මිල ගණන් යටතේ, විශාල නිෂ්පාදකයින් ප්රමාණයක් යටතේ හා විශාල මාදිලි ප්රමාණයක් යටතේ මෙම වර්ගයේ කැමරා අපට මිලදී ගත හැක. සාමාන්යයෙන් රුපියල් 15,000 පමණ සිට ඉහළට මේවායේ මිල ගණන් සඳහන් වේ. මෙහි විශේෂත්වය වන්නේ ඕනෑම පුද්ගලයෙකුට ඉතා පහසුවෙන් භාවිතා කළ හැකි වීමයි . මෙම මාදිලි වල Manual Mode එකක් දැකිය නොහැක. නිෂ්පාදනය කරන ආයතනය විසින් ලබා දෙන කලින් සැලසුම් කරන ලද mode කිහිපයක් භාවිතා කල හැකිය. උදා: night mode, portrait mode, landscape mode. නිෂ්පාදකයා අනුව ලබාදෙන mode වෙනස් විය හැක. මෙහිදී සිදුවන්නේ ඒ ඒ අවස්ථාවට ගැලපෙන ආකාරයකට අවශ්ය settings ඔවුන් විසින් කලින් සකසා තිබීමයි.
digital camera වල zoom කිරීමේ ක්රම 2ක් ඇත. ඒවා නම් optical zoom සහ digital zoom වේ. Optical zoom භාවිතා කිරිමේදී කැමරා කාචය සීරුමාරු වී zoom වීම සිදුවේ. මෙහිදී ජායරූපයේ ගුණාත්මකභාවයට හානියක් සිදුනොවේ. නමුත් digital zoom කිරීමේදී සිදුවන්නේ කැමරාවේ ඇති මෘදුකාංග භාවිතයෙන් ජායාරූපය crop වීමකි. මෙහිදී ජායාරූපයේ ගුණාත්මකභාවය අඩුවේ. නිතරම optical zoom භාවිතා කිරීම නිසා කාචයේ ඇති ribbon එකට හානි සිදුවිය හැක. Ribbon එක නැවත යෙදිය හැකිවූවත් ඒ සඳහා සැලකියයුතු මුදලක් වැය වේ. හැකි සෑමවිටම ඒ අසලට ගොස් ජායාරූපය ගැනීම වඩා ඵලදායී වේ.

දෙවෙනි මාදිලිය DSLR (digital single-lens reflex) වර්ගයයි.
දැනට වෙළඳපොලේ පවතින උසස්ම හා දියුණුම කැමරා වර්ගය ලෙස DSLR හැඳින්විය හැකිය. බැලූ බැල්මටම අනෙකුත් කැමරා වලට වඩා ප්රමාණයෙන් විශාල වේ. එලෙසම අනෙකුත් කැමරා වලට වඩා මිලෙන්ද අධික වන අතර ජායාරූප වල ගුණාත්මකභාවය ඉතා ඉහල මට්ටමක පවතී.
DSLR කැමරාවක් ප්රමාණයෙන් විශාල හා මිලෙන් අධික වන්නේ එය සතුව පවතින ගුණාංග හේතුවෙනි. ජායාරූපයක් සතුව පවතින settings තමන්ට අවශ්ය අකාරයට DSLR කැමරා මගින් පාලනය කල හැකිය. (මේ පිලිබඳව ඉදිරි ලීපි වලදී විස්තර කෙරෙනු ඇත.) Lens එක මාරු කිරීමේ හැකියාවද DSLR කැමරා සතුව පවතින තවත් විශේෂ ගුණාංගයකි. මූලික මට්ටමේ DSLR කැමරාවක් රු.50000 පමණ මුදලකටත් ප්රවීන මට්ටමේ DSLR කැමරාවක් රු.200000 සිට ඉහලටත් අද වෙළඳපොලේ ලබා ගත හැක. Nikon, Canon, Sony, Pentax යන සමාගම් DSLR කැමරා නිෂ්පාදනය කිරීම අතින් ඉදිරියෙන්ම සිටී.
ඉතිරි කැමරා වර්ග පිළිබඳව මීළඟ ලිපියෙන් බලාපොරොත්තුවන්න.










Social