ලෝකය දියුනු වෙලාද?

ලෝකය විශ්ව ගම්මානයක් වෙලාලු.තාක්ෂනය මුලු ලෝකයම ආක්‍රමනය කරලාලු.මේ අතරේ අපේ රටත් දියුනුවෙමින් පවතිනවලු.දහසකුත් ගොඩනැගිලි,පාරවල් මුලු කොලඹ පුරාම විතරක් නෙවෙයි,මුලු රටෙම හැදෙනවාලු.දුරකතන ,ඊ මේල් ,අන්තර්ජාලය නිසා මුලු ලොකෙත් එක්කම අපිට ඉතා වේගයෙන් පහසුවෙන් ගනුදෙනු කරන්නත් පුලුවන්ලු.ඔව් ,හරියට හරි.ඕවා සේරම හරි.ලොකේ ඉතා වේගයෙන් ඉදිරියට යනවා. මේ යන විදියට තව තව ගොඩනැගිලි හැදෙයි.හැම මනුස්සයම  බෙන්ස් වලින් යයි.හැමෝගෙම අතේ ඇපල් තියෙවි.හැමෝම තට්ටු ගෙවල් වල ඉඳිවි.සමහර විට අනාගතෙදි මෙහෙම වෙන්න බැරිකමක් නෑනේ.?ඒ කියන්නේ ලෝකය දියුනු වෙලාද? අද  බස් එකකට නැග්ගම,කොච්චියට නැග්ගම ,පාරවල් අයිනේ කෑමක් බීමක් නැතුව අඳින්න ඇඳුමක් හරියට  නැතුව හිඟමන් යදින මිනිස්සු කොච්චර ඉන්නවද?ඔව් අපිට කරන්න දෙයක් නෑ තමයි. හැබැයි ඒ මිනිස්සුන්ගේ පවුල්වල කවුරු හරි ඇති නේද?පවුල් වලින් අතෑරල දාන නිසා ඔහොම වෙන මිනිස්සු කොච්චර ඇත්ද? මහන්සිවෙලා කන්නේ බොන්නෙ නැතුව දරුවො හදලා උන් අද තට්ටු ගෙවල්වල ඉඳිද්දි  සමහර විට ඔහොම පාරවල් අයිනේ ඉන්න මිනිස්සු අනන්තවත් ඇති.දවසක් නාවින්නේ බැහැලා මම යද්දි පාරේ මග බෑග් එකක් එක්ක අච්චි කෙනෙක් වාඩිවෙලා ඉන්නවා.ඒ ගිමන් මහන්සි අරිනවා නෙවෙයි.ඒ මනුස්සයට යන්න තැනක් නැතුව එතන වාඩිවෙලා හිටියේ..ඇ‍යි අපිට ඒ මනුස්සය ගැන දැනෙන දුක ඒ මනුස්සයගේ දරුවොන්ට දැනෙන් නැත්තේ? පුදුමයි.ඇත්තටම පුදුමයි. ඔහොම මිනිස්සු කොච්චර ඉන්නවද? වැඩිහිටි නිවාසවල ඔහොම අච්චිලා සීයාලා කොච්චර ඇතිද?මේ පොස්ට් එක දාන්න මුලිකවම හිතුනේ එදා ඒ දැකපු දේ. දැනුත් කියන්න පුලුවන්ද ලොකේ දියුනුයි කියලා. ??ලොකේ දියුනු වුනා වෙන්නේ මිනිස්සුන්ගේ මනස හැදුන දවසට.ලොකේ කිසි කෙනෙක් සර්ව සම්පූර්න නෑ.වැරදි වෙනවා.හැබැයි  දැන දැන වැරදි කරනවා නම් අන්න එතනයි වැරැද්ද.අපිට සල්ලි ඕන.එහෙම නෑ කියලා කවුරුහරි කියනවා නම් ඒක විහිලුවක්.හැබැයි සල්ලි වලට හැමදේම ගන්න බෑ.ආදරය ,සෙනෙහස, මිත්‍රත්වය, අවංකකම ,මේවා සල්ලි වලට ගන්න බෑ.මිනිස්සු මේක තේරුම් ගන්න දවසක් ආවොත්,හිතලා බලන්න එදාට මොනවා වේද කියලා.