වෙල් එළියට සඳ ඇවිදින්

වැසු සලු පිලි නෑ අද පුන් සොමි රැස් ඇවිදින්
ආල හැඟුම් මෝරා භූ සිඹිනා වරමින්
කෝළ වෙමින් පෑ හස නුබ ගැබ නෙත් විදිමින්
රන් පෑයෙන් කිරි වදිනා ගොයමක සිරියෙන්………
මේඝ වළා සලු පොරවා කණක පළන්දා
දිය බිඳු පද වැල් මුමුණයි ස්වර රැව් රන්දා
මද පවනේ මුදු කේ රැඟුමට සිත බන්දා
ළා ගොයමක් රඟ දෙයි රූ අගනන් පරදා………
නෙත් දෝවන මන පිනවන සොඳුරැති රජනී
මිහිඹ වැළඳ උදුලැති හැඟුමන් මද හසිනී
ඔබ පාමුල වැතිර සිසිල් සුව බැඳි රසිනී
වෙල් එළියට පෑයූ සොමි වෙත පෙම් හදිනී……..

Summer-Cornfield-1280x800