බැටරියේ පරමායුෂ
වර්තමානයේ බහුලව ලැප්ටොප් පරිගනක වල භාවිතා වන්නේ lithium-ion හෝ lithium-polymer rechargeable battery එකක්. Rechargeable battery භාවිතා නොවන උපකරණයක් අද නොමැති තරම්. මේ ලිපියෙන් බලාපොරොත්තු වන්නේ Rechargeable battery එකක පොදු ක්රියාකාරිත්වය කුමක්ද හා එමගින් Laptop පරිගනකයක Battery එක නිසි ආකාරයෙන් භාවිතා කර එය දිගුකාලයක් තබා ගන්නේ කොහොමද පිළිබඳවයි.
ගොඩක් පිරිසකට තිබෙන ගැටලු තමයි “Laptop එක දිගටම Current එකට ගහලා තිබුනට කමක් නැද්ද?”, “Battery එක Overcharge වෙනවද?”, “Battery එක Fully charged වුනාට පස්සේ Current එකෙන් ගලවලා අයින් කරන්න ඕනද?”, “Charge කරන්න Battery එක සම්පුර්ණයෙන් බහින්න ඕනද?”, “Battery එක බාගෙට Charge වුනාට කමක් නැද්ද?”. මේ ප්රශ්න සියල්ලටම පිළිතුරු මේ ලිපිය අවසානයේදී දැන ගැනීමට හැකිය.
Laptop පරිගනක මෙන්ම අනෙකුත් උපකරණ වල තිබෙන Rechargeable battery එකේ ආයුකාලය තීරණය කරන්නේ එහි ආරෝපණ-විසර්ජන චක්ර (charge-discharge cycles) මගින්. මෙම චක්ර ප්රමාණයෙහි වෙනසක් සිදුවුවහොත් Battery එකෙහි ආයුකාලය අඩු වීමට හේතුවක් වෙනවා. අපගේ නොසැලකිල්ල හා නොදැනුවත්කම නිසා තමයි එය සිදුවන්නේ. ආයුකාලය අඩු වීමට ප්රධානතම හේතුව වන්නේ Battery එක අධිකව රත් වීමයි (Overheating). Battery එක නොකඩවා විදුලි සැපයුමට සම්බන්ධ වී තිබුනද අධි-ආරෝපිත (Overcharged) හෝ අධි-තප්ත (Overheated) තත්වයට පත් වන්නේ නැත. මන්ද Battery එක 100% ආරෝපණය වූ පසු Battery එකට තවදුරටත් විදුලිය සැපයීමක් සිදු නොවන නිසා. Laptop පරිගනකයක Battery එක Overheat වන්නේ Hardware කොටස් මගින් (Ex: Processor, Hard Disk Drive) උත්පාදනය වන තාපයෙන් විනා Battery එක මගින් උත්පාදනය වන තාපයෙන් නොවේ. පරිගනකයේ Cooling fan නිසි පරිදි ක්රියාත්මක නොවීම Hardware කොටස් මගින් අමතර තාපය ජනිත වීමට එක හේතුවකි. ආරෝපණය කිරීමේදී Battery එක අධිකව රත් වේ නම් එය භාවිතයට සුදුසු නොවේ.
Laptop පරිගනකයක තාපය පිටවන්නේ පහළ ප්රදේශයෙනි. එම නිසා එය තිරස් දෘඩ මතුපිටක් මත තැබීම කලයුතුය. නමුත් එය කිසිවිටක ඇඳේ මෙට්ටය හෝ කොට්ටය මත තැබීම නොකළ යුතුය. එමගින් තාපය පිටවීම සීමා වී Battery එකෙහි උෂ්ණත්වය ඉහළ දැමීමට හේතුවක් විය හැක. Laptop පරිගනකයේ Battery එක පිටතින් ගලවා වෙන්කළ හැකි නම් (Laptop පරිගනකයක් මිළදී ගැනීමේදී Battery එක පිටතින් ගලවා වෙන්කළ හැකි පරිගනකයක් මිළදී ගැනීම වඩාත් සුදුසුය.) පරිගනකයේ අභ්යන්තර උෂ්ණත්වය 40°C වඩා වැඩි වන විට Battery එක ගලවා ඉවත් කර විදුලි බලයෙන් ක්රියාත්මක කරවීම සුදුසුය.
Battery බලයෙන් ක්රියාත්මක කරන්නේ නම් සැමවිටම 100% ආරෝපණය කිරීමෙන් පසු භාවිත කිරීම සුදුසුය. ආරෝපණ මට්ටම (Battery level) 40% වඩා අඩු වූ විට නැවත ආරෝපණය කළ යුතුය. ආරෝපණ මට්ටම ඉතාමත් අඩු හෝ සම්පුර්ණයෙන් බැස නැවත ආරෝපණය කිරීමෙන් Battery එකේ ආයුකාලය අඩු වීමට හේතු වේ.
පරිගනකයට සාපේක්ෂව එහි Battery එක සඳහා ලැබෙන වගකීම් කාලය අඩුය. Battery නැවත අලුතින් මිලට ගැනීමට සිදුවීම අමතර වියදම් දැරීමකි. තවද අව භාවිතය නිසා Battery එක නිතර නිතර මාරු කිරීම පරිගනකයට සුදුසු නොවේ. එම නිසා Original battery එක දිගු කාලයක් භාවිතා කිරීම පරිගනකයේ ද ආයුකාලය වැඩි කිරීමට හේතු වේ.
කුලාන් සචින්තන.
2014/2015 කන්ඩායම.















Social