පුංචි කාලේ අපි
හීන එකතු කර
පොදි බැඳන් හිත පුරා
එක එක තාලේ
පෙරුම් පිරුව
හිත හතර අතේ
දුවපු ඇවිදපු
ආදරණීය හුරතල්
පුංචි කාලයක්
තිබුනා මටත් …
හවසට නිවාඩුවට
වෙලේ දොලේ ඇලේ
ඇවිදපු දුවපැනපු
හති වැටෙනකන්
ගෙදර නාපු
අහස කතා කරන හැටි
ඉපනැල්ලේ ඉඳන්
අහන් හිටපු
පුංචි කාලයක්
තිබුනා මටත් …
අද මේ වගේ
හිර වෙලා
ජීවිතය ඒකාකාරී
වුනත් මම
තවමත් එදා වගේම
ආදරෙයි පණ වගේ
හීන ගොඩක්
ගෙනල්ලා දුන්නු
ඒ පුංචි කාලෙට
සිය දහස් වාරයක් …













Social