සොරීන් මෙහෙයුම් පද්ධතිය
Windows මෙහෙයුම් පද්ධතිය මගින් වැඩ කොට පුරුදු වූ බොහෝ දෙනෙකුට Linux මෙහෙයුම් පද්ධති වල වැඩ කිරීම තරමක් අපහසු කටයුත්තකි. මන්ද Linux මෙහෙයුම් පද්ධතියේ Interface එක Windows වලට වඩා වෙනස් වීම නිසයි. සොරීන් ඕඑස් මෙම අපහසුව මගහරවා නොමිලේ ලබා දෙන Linux මෙහෙයුම් පද්ධතියකි.
තමන් කැමති Interface එකකට මාරු වීම සඳහා මෙම මෙහෙයුම් පද්ධතියේ look changer නම් utility program එකක් තිබේ. එහි settings වෙනස් කිරීමෙන් අවශ්ය නම් සොරීන් ඕඑස් හී Interface එක windows 7 වල ආකාරයට වුවද සකසා ගත හැකිය. එමෙන්ම අවශ්ය නම් windows vista, windows XP, windows 2000 හෝ mac OSX හෝ GNOME interface එකක් වුවද ලබාගත හැකිය.
Ubuntu මෙහෙයුම් පද්ධතියේ කර්නලය පාදක කොට ගෙන නිර්මාණය වූවක් වුවද සොරීන් ඕඑස් යනු Ubuntu වලට වඩා හාත්පසින්ම වෙනස් වූ මෙහෙයුම් පද්ධතියකි. එහි පෙනුම මෙන්ම ගතිගුනද ඉතා වෙනස්ය.
මූලික වශයෙන් මෙහි ගතිගුණ කිහිපයක් පවතී. මෙම මෙහෙයුම් පද්ධතිය virus හා malware වලින් ආරක්ෂිතය. එමෙන්ම windows 7 මෙන් 4 ගුණයක වේගයක් සතු වේ. තවද භාෂා 55 කින් ඉදිරිපත් කර ඇති අතර මෙම මෙහෙයුම් පද්ධතිය සම්පුර්ණයෙන්ම තමන්ට අවශ්ය පරිදි වෙනස් කරගැනීම (fully customizable ) සඳහාද අවස්ථාව තිබේ.
උබුන්ටු මෙන්ම මෙම මෙහෙයුම් පද්ධතියද windows මගින් වැඩ කරන පරිගණකයක dual boot කර භාවිතයට ගත හැකිය. එමෙන්ම windows සඳහාම වූ වැඩසටහන් ක්රියාත්මක කරවිඉමටද හැකිය. ඒ සඳහා WINE නම් මෘදුකාංගයක් සොරීන් ඕඑස් සමග දෙයි. එම වැඩසටහන් windows වලදීට වඩා වේගවත්ව මෙහිදී ක්රියාත්මක වේ.
සොරීන් ඕඑස් එක අදාල වෙබ් අඩවිය තුලින් download කරගන්නා විටඒ සමග තවත් මෘදුකාංග පැකේජ ගණනාවක් ලැබේ. ඒවානම්,
ඔෆිස් පැකේජය ලෙස OpenOffice, වෙබ් බ්රව්සරය (Web browser) ලෙස ෆයර්ෆොක්ස් (FireFox), E-mail client ලෙස Evolution, music player ලෙස Rhythm Box, video player ලෙස Totem, photo editing සඳහා GIMP වැඩසටහන ලැබේ. එමෙන්ම multi media file ක්රියාත්මක කිරීම සඳහා CODEX නම් මෘදුකාංගයක් ද ලැබේ.
Linux මෙහෙයුම් පද්ධති භාවිතය සඳහා යොමු කිරීමෙහිලා සොරීන් ඕඑස් යනු සුදුසු මෙහෙයුම් පද්ධතියකි.
ශලිනි වික්රමනායක
2014/2015 කණ්ඩායම














Social