ඇන්ඩ්රොයිඩ් මෙහෙයුම් පද්ධතිය.
Android නම කියූ සැනෙකින් එය නොදන්නා කෙනෙක් නොමැති තරම්. වර්තමානයේ ලෝකයේ වඩාත් ම ජනප්රිය ජංගම දුරකථන මෙහෙයුම් පද්ධතිය වන්නේ එයයි. සැබවින්ම දැන් එය ජංගම දුරකථන වලට සිමා වූ මෙහෙයුම් පද්ධතියක් නොවේ. Smart Phones හි සිට Tablet PC, Digital Camera, Smart Watch, E-Readers, Notebooks මෙන්ම රුපවාහිනී යන්ත්ර (Android TV) හා නවීන රථ වාහන (Android Auto) වලදී ද Android මෙහෙයුම් පද්ධතිය භාවිතා වේ. හුදෙක්ම එහි කාර්යක්ෂමතාව හා පලදායිතාවය පමණක් වේගයෙන් ජනප්රිය වීමට හේතුව නොවේ. ලෝකයේ ප්රමුඛ පෙළේ ඉලෙක්ට්රොනික සමාගම් තම Smart Devices සඳහා මෙහෙයුම් පද්ධතියක් ස්ථාපනය කිරීමට Android මෙහෙයුම් පද්ධතිය නොමිලේ ලබාගත හැකි වීමයි. සැබවින්ම එය Open-Source වර්ගයේ මෙහෙයුම් පද්ධතියකි.
භාවිතාකරන්නා (User) ගේ අභිරුචිය අනුව පහසුවෙන් සකසා ගත හැකි මෙහෙයුම් පද්ධතියක් නිර්මාණය කිරීමේ අරමුණින් 2001 වර්ෂයේදී Android වැඩසටහන ආරම්භ විය. ඇමරිකානු ජාතිකයන් වන Andy Rubin, Rich Miner, Nick Sears හා Chris White යන පරිගනක මෘදුකාංග නිර්මාණ ශිල්පීන් ගේ මුලිකත්වයෙන් එම වැඩසටහන ඉදිරියට ගෙන යාම සඳහා Android Inc. සමාගම 2003 වර්ෂයේදී පිහිටුවන ලදී. නමුත් බලාපොරොත්තු වූ පරිදි ප්රමාණවත් අදායමක් උපයා ගැනීමට නොහැකිව බංකොලොත් තත්වයේ තිබු එය, එහි සියලුම සේවකයන් සමගින් 2005 වර්ෂයේදී Google සමාගම විසින් මිලදී ගනු ලැබීය. Google සමාගමේ මෙහෙයවීමෙන් ජංගම දුරකථන ඉලක්ක කර ගනිමින් මෙහෙයුම් පද්ධතියක් නිර්මාණය කිරීමේ අරමුණ යතාර්ථයක් බවට පත් වෙමින් 2007 වර්ෂයේ නොවැම්බර් මස Android හි Alfa සංස්කරණය නිකුත් විය.
Android මෙහෙයුම් පද්ධතිය Linux Kernel ය මත XML, C, java හා C++ පරිගනක භාෂා මගින් ක්රමලේකනය කර නිර්මාණය කර ඇත. සම්පුර්ණ මෙහෙයුම් පද්ධතිය XML කේත පේළි ලක්ෂ 30, C කේත පේළි ලක්ෂ 28, java කේත පේළි ලක්ෂ 21, C++ කේත පේළි ලක්ෂ 18, සියලුම කේත පේළි එක්කෝටි විසිලක්ෂයකින් පමණ සමන්විත වේ. Google හා Open Handset Alliance සමාගම් දෙක යටතේ භාරකාරත්වයේ පවතින Android මෙහෙයුම් පද්ධතිය නීතිමය රාමුවක් යටතේ ඕනෑම පුද්ගලයෙකුට හෝ සමාගමකට අවශ්ය පරිදි වෙනස් කර භාවිතා කිරීමේ හැකියාව පවතී. Android මෙහෙයුම් පද්ධතියේ Beta සංස්කරණය නිකුත් කිරීමෙන් පසුව 2008 වර්ෂයේ සැප්තැම්බර් 23 දින එහි ප්රථම සංස්කරණය (1.0) Google සමාගම විසින් වානිජ මට්ටමින් ප්රසිද්ධ කරන ලදී. එය මහජනයා අතට පත් වුයේ HTC Dream-G1 Smart Phone එක මගිනි. ඉන්පසු තවත් සංස්කරණයක් (1.1) 2009 පෙබරවාරි 09 නිකුත් කළ අතර එම සංස්කරණ දෙක සඳහා විශේෂ කේත නාමයක් නොතිබුණි. ඉන්පසු නිකුත් කරන ලද සියලුම Android සංස්කරණ වල කේත නාමයන් සඳහා රසවත් අතුරුපස වල නම් ඉංග්රීසි හෝඩියේ අකාරාදී පිළිවෙලට නම් කරන ලදී. මේ දක්වා නිකුත් කරන ලද සියලුම සංස්කරණ, කේත නාම, නිකුත් කළ දින පහත දැක්වේ.
C – Cupcake (1.5) 27.04.2009
D – Donut (1.6) 15.09.2009
E – Eclair (2.0 – 2.1) 26.10.2009
F – Froyo (2.2 – 2.2.3) 20.05.2010
G – Gingerbread (2.3 – 2.3.7) 06.12.2010
H – Honeycomb (3.0 – 3.2.6) 22.02.2011
I – Ice Cream Sandwich (4.0 – 4.0.4) 18.10.2011
J – Jelly Bean (4.1 – 4.3.1) 09.07.2012
K – Kitkat (4.4 – 4.4.4) 31.10.2013
L – Lollipop (5.0 – 5.1.1) 12.11.2014
M – Marshmallow (6.0 – 6.0.1) 05.10.2015
N – Nougat (7.0 – 7.1) 22.08.2016
Android මෙහෙයුම් පද්ධතිය භාවිතා කරන අයට ලැබෙන තවත් විශේෂ වාසියක් වන්නේ එහි ස්ථාපනය කිරීම සඳහා අවශ්ය Apps නොමිලේම ලබා ගත හැකි වීමයි. Play Store හි තිබෙන Apps වලින් 70% පමණ නොමිලේ බාගත හැකි අතර ඉතිරි සියල්ලෙන්ම ඕනෑම App එකක මිළ ඇ.ඩොලර් 3 වැනි දැරිය හැකි අගයකි. Google සමාගම Android මෙහෙයුම් පද්ධතිය නොමිළේ දෙන අතරම එහි Apps වැඩි දියුණු කරන අයට (Developers) අවශ්ය මුදල් ලබා දෙන්නේ මෙම Apps විකුණා ලැබෙන ආදායමෙනි. වර්තමානයේ Android Apps අලෙවි කිරීම Google සමාගමේ ප්රධාන අදායම් මාර්ග වලින් එකකි. Google සමාගම විසින් Android Inc. සමාගම මිළට ගනු ලැබුයේ ඇ.ඩොලර් මිලියන 50 කටය. නමුත් Android වෙළදාමෙන් Google සමාගම ලබාගන්නා අදායම ඇ.ඩොලර් බිලියනය ඉක්මවයි. එම ආදායම නිසාම Apps මහජනයාට නොමිලේ හෝ ඉතා අඩු, දැරිය හැකි මුදලකට විකිණීමෙන් කරන්නේ එක්තරා අන්දමේ සමාජ සේවයකි. ඔබත් Android මෙහෙයුම් පද්ධතිය සහිත Smart Device එකක් මිළදී ගන්නේ නම් එම සත්කාරයට වක්රව දායක වේ.
කුලාන් සචින්තන.
2014/2015 කණ්ඩායම.
















Social