කවිය
වෙහෙසවෙයි සිත – පෑ ගනන්
අකුරු සොයමින් – ගළපමින්
අලුත් කවියක් – ගොතා ගන්නට
තනුව ගිලිහෙන – කවි කොනින්
දැනෙයි නොදැනෙයි – පාවෙලා යයි
වියළි හැඟුමන් -කවි වෙමින්
මළානික තරු – එළිය පමණකි
හිරු මුවාවූ – මා ලොවින්
සිත් නොබෝ ගැබ – අමාවක සඳ
ඔබම විය – මා සිහිනෙකින්
අමතකව ගිය – ඈත දිනයක
කවි කියු මා – ඔබ නමින්
අමතකව නැත – තනුව තවමත්
වචන අමතක – ඌ නමුත්
තනිව මුමුනමි – පැරණි කවි පද
කුමක් කරමිද – දැන් ඉතින්
අලුත් කවියක් – අලුත් තනුවක්
ඔබට හිමි විය – දැන් ඉතින්
අවසරයි මට – නික්ම යන්නට
සමග කව් ගී – අරුත් සුන්
– නර්තන සත්සර












There is One Comment.
Pingback: කවිය | සතුටු වැස්ස බ්ලොග් කියවනය