ඈ
නැවුම් වසන්තෙක
පෙබරවාරියක
සුන්දර භවනක
කලබල නගරෙක
හද විල සැඟවුන
සියපත කළඹන
මා මුසපත් වන
දෑසකි සුදිලෙන
තඹවන් කම්මුල්
පොපියන දෙකොපුල්
සුසිනිඳු ඒ දුල්
මා සිත වියවුල්
කිංකිණි නාදෙකි
නුහුරෙන් අමතන
ආඩම්බරකම
මොණරිය පරදන
හැඟුමන් මෝරන
පණිවිඩ පියඹන
කරුමෙක අරුමෙක
ඈට නොතේරෙන
දින දින ගතවෙන
මා සිත ලතැවෙන
නැවුම් වසන්තෙට
වසරක් සපිරෙන
කලබල නගරේ
ඔබ දුර යනවා
සුන්දර භවනේ
මා තනි වෙනවා
ඔබ හද මා හට
නැති බව දැනුනද
මා හද තවමත්
චූටි බට්ටිච්චිට..












Social